वीरगञ्ज। दुर्घटनापछि गम्भीर अवस्थामा अस्पताल भर्ना गरिएका एक बिरामीको मेरुदण्डको शल्यक्रिया सफलतापूर्वक गरिएको छ।
एल.एस.न्युरो एन्ड जेनरल होस्पिटल प्रा.लिका विशेषज्ञ चिकित्सकको टोलीले अत्याधुनिक प्रविधिको प्रयोग गरी मेरुदण्डमा रड तथा स्क्रू राखेर शल्यक्रिया सम्पन्न गरेको जनाएको छ।
अस्पतालका अनुसार शल्यक्रियापछि बिरामीको अवस्था स्थिर रहेकोछ र हाल आईसीयूमा राखेर निरन्तर निगरानी भइरहेको छ। बिरामीको समयमै उपचार सुरु गरिएकाले स्वास्थ्य अवस्थामा सुधार देखिएको होस्पिटल का मेडिकल डाईरेक्टर डाक्टर अर्जुन पटेलले बताए ।
