बारा, ८ फाल्गुन।
सवारी दुर्घटना हुँदा २ जनाले ज्यान गएको छ। जीतपुर सिमरा उपमहानगरपालिकाको वडा नम्बर १ को आधा भार जंगल सडक खण्डमा ट्रक र पिकप एक आपसमा ठोक्किँदा २ जनाले ज्यान गुमाएका छ्न भने ४ जना घाइते भएका छन् ।सिमरा बाट हेटौंडा तर्फ जाँदै गरेको ना ६ ख ३३५२ नम्बरको ट्रक र हेटौंडा बाट पथलैयातर्फ आउँदै गरेको बागमती प्रदेश ०१–०२६ च १३३४ नम्बरको पिकप जीप एकआपसमा ठोकिँदा एकजना भारतीय नागरिक सहित २ जनाको मृत्यु भएको बारा प्रहरीले जनाएको छ ।
सो दुर्घटनामा मृत्यु हुनेमा नुवाकोटको बिदुर नगरपालिका वडा नम्बर ९ कोल्नीका ३० वर्षीय सुजन मगर र बिहार राज्य मोतिहारी मधुवनिका २८ वर्षीय चन्दन चौहान रहेका छन् । बारा को परवानिपुर वाड नम्बर ५ नौतनमा रहेको एल.एस. न्यूरो एन्ड जेनरल होस्पिटल बारामा उपचारकै क्रममा दुवै जनाको मृत्यु भएको प्रहरीले जनाएको छ ।
घाइते हुनेहरुमा बिहार राज्या मुजफ्फरपुर पखना मोतिपुरका २२ वर्षीय राहुल चौधरी, बिहार राज्य महाराजगञ्ज गोरखपुरका १७ वर्षीय सुदीप चौहान, सोही ठाउँ बस्ने १९ वर्षीय रामलखन चौहान र ट्रक चालक बाराको परवानीपुर गाँउपालिका वाड नम्बर ४ चैनपुरका ३० वर्षीय रवि पटेल रहेका छन् ।
घाइते सबैको उपचार बारा को परवानिपुर वाड नम्बर ५ नौतनमा रहेको एल.एस. न्यूरो एन्ड जेनरल होस्पिटल मा उपचार भइरहेको बाराका प्रहरी प्रवक्ता एवम् सूचना अधिकारी प्रहरी नायव उपरीक्षक दधिराम न्यौपानेले जानकारी दिए
