वीरगंज १६ भदौ ।
होटल व्यवसायी संघ पर्साले आफ्ना विभिन्न मागहरु सहित नेकपा माओवादी केन्द्रका अध्यक्ष पुष्पकमल दाहाल “प्रचण्ड”लाई ज्ञापनपत्र बुझाएको छ ।
होटल व्यवसायी संघ पर्साका महासचिव तबरेज आलमको नेतृत्वमा गएका व्यवसायीहरुले अध्यक्ष प्रचण्डलाई बुझाएको ज्ञापनपत्रमा कोभिड–१९ ले नेपाल भारत सीमा नाका बन्द रहेका कारण होटल तथा पर्यटन व्यवसायीहरुले ठुलो क्षति बेहोर्नु परेको जनाईएको छ । हाल सम्म महामारीको समयमा होटल व्यवसायीले कुनै पनि किसिमको आर्थिक अनुदान संघ, प्रदेश र स्थानिय सरकारबाट नपाएको भनि ध्यानाकर्षण समेत गराएका थिए ।
नेपाल सरकारले जारी गरेको स्वास्थ्य मापदण्ड पालना गरी बन्द रहेका नेपाल भारत सिमा खुल्ला गर्नु पर्ने, बैंक तथा वित्तिय संघसंस्थाहरुबाट नेपाल सकारले जारी गरेको राहत प्याकेज अन्तरगतको सहुलियत ऋण उपलब्ध गराउनु पर्ने, व्यवासयीहरुको उत्थानको लागि घरबहादल, बैंकको ब्याज, किस्ता लगायत व्यवसायिक करमा विशेक्ष छुट दिनु पर्ने, ५० लाख सम्मको सहुलियत पूर्ण कर्जाको व्यवस्था गर्नु पर्ने, भारतीय पर्यटकको आवतजावतमा प्रयोग हुने भारतीय नम्बर प्लेटका गाडीहरुलाई नेपाल आउनमा सहजीकरण गर्नु पर्ने लगायतका मागहरु सो ज्ञापनपत्रमा उल्लेख गरिएको छ ।
सो ज्ञापनपत्रमा होटल व्यवसायी संघ पर्साका बरिष्ठ उपाध्यक्ष विधालाल प्रसाद र महासचिव तबरेज आलमले संयुक्त रुपमा हस्ताक्षर गर्नु भएको छ ।
त्यसैगरी सो अवसरमा होटल व्यवसायी संघ पर्साका वरिष्ठ उपाध्यक्ष विद्यालाल साह, उपाध्यक्ष छविलाल उप्रेती, महासचिव तबरेज आलम, कोषाध्यक्ष दल बहादुर किंगरिंग, सदस्य कन्हैया अग्रवाल लगायतका व्यवासयीहरुले माओवादी केन्द्रमा प्रवेश गरेका छन् ।
नवप्रवेशीहरुलाई पूर्व प्रधानमन्त्री एवं पार्टीका राष्ट्रिय अध्यक्ष पुष्पकमल दाहाल (प्रचण्ड)ले टिका तथा खादा लगाएर पार्टी प्रवेश गराएका थिए । सो पार्टी प्रवेश कार्यक्रममा अस्थायी समिति सदस्य क.देवेन्द्र पौडेल, पर्सा जिल्ला ईन्चार्ज उर्मिला अर्याल, जिल्ला संयोजक विजय महतो, महानगर ईन्चार्ज रहबर अन्सारी, प्रदेश सदस्य रामदरश कुशवाहा, बालेश्वर थारु, अखिल क्रान्तिकारी के.स. प्रभाकर गुप्ता लगायतका नेताहरुको सहभागीता रहेको थियो ।
पर्सा जिल्लामा नेकपा माओवादी केन्द्रलाई होटल व्यवसायी संघमा पार्टी प्रवेशले थप उर्जा बढेको तथा आम जनमानसमा पार्टीप्रति विश्वास बढनुको साथै आत्मबल पनि बढेको पार्टीका महानगर ईन्चार्ज रहबर अंसारीले बताए ।
पार्टीको तर्फबाट क. रहबर अन्सारीलाई जिम्मेवारी दिईए लगतै यति ठुलो उपलब्धी भएको पार्टीले महसुस गरेको विशेष उपस्थित कमरेडहरुले भनाई रहेको थियो ।
