वीरगञ्ज, २४ साउन ।
कप्तानगञ्जमा भएको दुःखद घटनामा ज्यान गुमाएका मृतकका परिवारलाई प्रतिपरिवार रु. १ लाख र घाइतेहरूलाई प्रतिव्यक्ति रु. ११ हजारका दरले राहत रकम उपलब्ध गराउने घोषणा विश्व हिन्दू परिषद् नेपालले गरेको छ।
घटनामा घाइते भई अस्पतालमा उपचाररत दुई जनालाई आजै प्रतिव्यक्ति रु. ११ हजारका दरले नगद सहयोग हस्तान्तरण गर्दै परिषद्का राष्ट्रिय सङ्गठन सचिव प्रहलाद रेग्मीले सो जानकारी दिनुभएको हो।
अस्पतालमै पुगेर घाइतेहरूको स्वास्थ्य अवस्थाबारे जानकारी लिँदै सचिव रेग्मीले घटनाप्रति गहिरो दुःख व्यक्त गर्नुभयो। उहाँले पीडित परिवारको पीडामा मलम लगाउन र उपचारमा सहयोग पुर्याउने उद्देश्यले परिषद्को तर्फबाट यो राहत रकम उपलब्ध गराइएको बताउनुभयो। साथै, बाँकी मृतकका परिवार र घाइतेहरूलाई पनि छिटै तोकिएको राहत रकम हस्तान्तरण गरिने परिषद्ले जनाएको छ।
कप्तानगञ्ज घटनाका मृतकका परिवारलाई रु. १ लाख र घाइतेलाई रु. ११ हजार राहत दिने विश्व हिन्दू परिषद्को घोषणा
