साेमबार प्रस्तावित सीमा सुरक्षा गुल्म वीरगंजबाट खटिएको टोलीले वीरगंज महानगरपालिका–०९ स्थित पान गल्ली क्षेत्रमा ना.४ च ६३७९ नम्बरको बोलेरो पिकअपमा कपडा तथा जुत्ता लोड गरिरहेको अवस्थामा नियन्त्रणमा लिएको हो । बरामद गरिएको कपडा र जुत्ताको मूल्य करिब १४ लाख ४९ हजार ८ सय बराबर रहेको छ भने बोलेरो पिकअप गाडीको मूल्य २० लाख रुपैया आकलन गरिएको छ ।
उक्त सामग्री र गाडी वीरगंज भन्सार कार्यालयमा बुझाइएको सशस्त्र प्रहरी बल नेपाल १३ नं. गण पर्साका सूचना अधिकारी प्रहरी नायव उपरीक्षक सुरज कार्कीले जानकारी दिए । गाडी छोडेर भागेका व्यक्तिहरूको पहिचानका लागि अनुसन्धान भइरहेको प्रहरीले सूचना अधिकारी कार्कीले वताए ।
त्यस्तै सोही गुल्मबाट खटिएको अर्को टोलीले पर्साका विभिन्न इलाकाबाट रु.२ लाख १६ हजार ५ सय ५० बराबरको कपडा, किराना सामान र खसी नियन्त्रणमा लिई भन्सार कार्यालयमा बुझाएको छ ।
यसैगरी सशस्त्र प्रहरी सिमा सुरक्षा गुल्म अलौबाट खटिएको टोलीले वीरगंज महानगरपालिका–१७ अलौ चौकबाट रु.१ लाख ४१ हजार ९३० बराबरको मोटरसाइकल र किराना सामान नियन्त्रणमा लिई भन्सार कार्यालयमा बुझाएको छ ।
