काठमाडौँ,०८ साउन । भक्तपुरको मध्यपुर थिमी नगरपालिका–८ बोडेमा एकै डोरीमा झुण्डिएको अवस्थामा दुई किशोरी दिदीबहिनी मृत अवस्थामा फेला परेका छन् ।
जिल्ला प्रहरी कार्यालय भक्तपुरका अनुसार मृतकहरू सुर्खेत पञ्चपुरी नगरपालिका–८ घर भई बोडे सिन्टिटारस्थित चक्रधर प्रजापतिको घरमा डेरा गरी बस्दै आएकी १७ वर्षीया मेनुका कँडेल र १५ वर्षीया श्रृजना कँडेल हुन् ।
उनीहरू चक्रधरको दुई तले घरको भुइँ तलामा डेरा लिएर बस्दै आएका थिए । शुक्रबार बिहान करिब ६:४५ बजे घरको प्यासेजमा दुवै जना एकै डोरीमा झुण्डिएको अवस्थामा फेला परेको प्रहरीले जनाएको छ ।
यो दुःखद घटनाको कारण खुल्न बाँकी रहेको र हाल अनुसन्धान जारी रहेको प्रहरी स्रोतले जानकारी दिएको छ ।
