बीरगन्ज, १६ साउन सनिवार ।
पर्सा प्रहरीले एक जना व्यक्तिको हत्या र लुटपाटमा संलग्नरहेको तीन जनालाई पक्राउ गरेको छ । जिल्ल प्रहरी कार्यालय पर्सा ले सर्लाही लालबन्दी नगरपालिका वडा नं. १ घर भई काठमाडौंमा बसदै आएका २७ वर्षीय सुजन भन्ने ज्ञानु पाख्रिनको हत्या र लुटपाटमा संलग्नरहेको तीन जनालाई बिहीबार पक्राउ गरेको छ ।
पक्राउ पर्नेहरुमा पर्सा जिल्ला बीरगन्ज महानगरपालिका वडा नं. ७ रामटोलका २५ वर्षीय राम महर्जन, सोही टोलका विक्की भन्ने २७ वर्षीय दिप लामा तामाङ र बारा जिल्ला फेटा गाउँपालिका वडा नं. ३ का धनन्जय रजक रहेका छन् ।
साथै, लुटपाट गरि अन्य सर समान धनमाल लिई फरार हुने भारत बिहार, पूर्वी चम्पारण, जिल्ला मोतीहारी घर भई बीरगन्ज महानगरपालिका वडा नं. १६ नगवा बस्ने रवि सर्राफको खोजतलास भईरहेको जिल्ला प्रहरी कार्यालय पर्साका प्रवक्ता प्रहरी नायव उपरिक्षक ओम प्रकाश खनालले जानकारी दिए
