अजित कुमार भुजेल बिरगंज , माघ २३ गते शुक्रबार ।
ट्राफिक प्रहरी कार्यालय पर्साको आयोजनामा र रोटरी क्लब अफ बिरगंजको सहयोगमा सवारी दुर्घटना न्यूनीकरणका लागी राती टल्कने स्टिकर टास्ने अभियानको आज सातौं दिन शुक्रबार पर्साको पोखरियामा सम्पन्न भएको छ ।
जिल्ला ट्राफिक प्रहरी कार्यालय पर्साका प्रहरी निरीक्षक सुमन कार्कीको अध्यक्षतामा भएको सो कार्यक्रममा व्यवस्थित बिरगंज अभियानका सन्योजक दिलिप राज कार्की ,विभिन्न सघसस्था र स्थानियहरुको सहभागिता रहेको थियो ।
आज १५० वटा राती टल्कने स्टिकर निजि कार , जिप , बस , ट्रक , ट्याक्टरमा समेत स्टिकर टासिएको थियो ।
त्यसैगरि आजै ग्रामीण भेक भएकोले यहाँ १०५ वटा जति साईकलमा पनि स्टिकर टासिएको र यसले दुर्घटना हुनबाट रोक्न धेरै मदत पुग्ने ट्राफिक प्रहरी निरीक्षक सुमन कार्कीले जानकारी दिनु भयो।
