बिनोद पटेल
वीरगंज १२ असोज ।
नेपाल सुनचांदी व्यवसायी महासंघ प्रदेश नं. २ को अधिवेशन सोमबार सम्पन्न भएको छ । वीरगंजस्थित हरिओम पार्टी प्यालेसमा सम्पन्न अधिवेशनले शिव कुमार सर्राफको सभापतित्वमा १० सदस्यिय कार्य समिति चयन गरेको छ । 
जुन समितिको उपसभापतिमा प्रवेश कुमार सर्राफ, बसन्त कुमार साह, सचिवमा बिनोद कुमार भण्डारी, सह सचिवमा अमित गुप्ता, कोषाध्यक्षमा कमलेश साह, सह कोषाध्यक्षमा भागवान साह, सदस्यहरुमा धनिलाल साह सोनार, दिपक ठाकुर र भोला कुमार साह निर्वाचित भएको मुख्य निर्वाचन अधिकृत अधिवक्ता विनय सिंहले वताए ।
महासंघको केन्द्रिय निर्णय अनुसार प्रदेश अन्तर्गतको ८ वटै जिल्लाको प्रतिनिधिहरुको उपस्थितीमा अधिवेशन सम्पन्न भएको जनाइएको छ । सो निर्वाचनमा व्यवसायी संघ पर्साका अध्यक्ष निरज कुमार सर्राफ, बाराका प्रतिनिधि शिव कुमार सर्राफ, सर्लाहीका प्रतिनिधि कमलेश साह, सप्तरी प्रतिनिधि राजेशे कुमार साह, धुनषा प्रतिनिधि अमित गुप्ता, लहान नगर प्रतिनिधि श्याम कुमार साह, पर्साका जलेश्वर सर्राफ लगायत ३८ जना मतदाताहरुको सहभागीता रहेको थियो ।
निर्वाचित पदाधिकारीलाई आजै प्रमाण पत्रसमेत वितरण गरिएको छ ।
