बारा,
भदौ ३०
बाराको जितपुरसिमरा उपमहानगरपालिका वडा न. १४ मा मंगलवार बिहान परेको चट्याङ् लागेर १ जनाको मृत्यु भएको छ ।
दुधौरा खोलामा टायर गाडामा बालुवा लोड गरिरहेको बेला अचानक चट्याङ् खस्दा सोही ठाउँका अन्दाजी ४० वर्षिय धर्मप्रसाद चौधरीको मृत्यु भएको अस्थाई प्रहरी पोष्ट डुमरवानाले जनाएको छ ।
चट्याङ् लागेर गम्भिर घाइते भएका चौधरीको स्थानीय डुमरवाना पोली क्लिनिकमा उपचारको क्रममा ज्यान गएको प्रहरीले जनाएको छ ।
साथै तेहि टायर गाडामा संगै बालुवा लोड गरीरहेका अन्दाजी २७ वर्षिय तेतर माझि सामान्य घाइते भएका छन् । घाइते माझीको सोही क्लिनीकमा उपचार भइरहेको जिल्ला प्रहरी कार्यालय बाराका प्रहरी प्रबक्ता एवम् प्रहरी नायब उपरिक्षक गौतम मिश्राले जानकारी दिनुभयो ।
