वीरगन्ज चैत १७ । पोखरीयामा बिहीबार २ ओटा मोटरसाइकल एकआपसमा ठोकिदा दुर्घटना भएको हो । उक्त दुर्घटनामा परि दुई जनाको मृत्यु भएको हो । पर्सा जिल्लाको पोखरीया नगरपालिका वाडा नम्बर ४ स्थिती रहेको नहरको छेउमा बिहीबार बिहान करिब १०: ३० मा विपरित दिशामा रहेका ना ३ प १०२६ नम्बर को मोटरसाइकल र प्रदेश २-०३-००४ नम्बरभएको मोटरसाइकल एक आपसमा ठोक्किएको थियो। 
दुर्घटना हुदा दुबै मोटरसाइकल चालकको घटनास्थलमै मृत्यु भएको थियो । तीब्र गतिमा रहेका ले २ दुबै मोटरसाइकल आपसमा ठोक्किएर दुर्घटना भएको पर्साका प्रहरी प्रवक्ता प्रहरी नायव उपरीक्षक ओमप्रकाश खनालले बताए।
मृत्यु हुनेमा जिल्ला पर्सा धोबीनी गाँउपालिका वाड नम्बर २ गुलरीया बस्ने बर्ष ३५ को ललन कुमार पटेल र पर्साजिल्लाकै सखुवा प्रसौनी गाउँपालिका बाड नम्बर ५ एक्डर्वा बस्ने बर्ष २९ का हसिन्दर सहनी रहेका छन। 
दुर्घटनामा संगै मोटरसाइकलमा बसेका धोबिनी गाउँ पालिका बाड नम्बर २ का ३० वर्षीय रोजादिन मया र पर्सा कै सखुवा प्रसौनी गाउँ पालिका बाडा नम्बर ५ एक्डर्वा बस्ने रन्जित महत्तो र त्यही ठाँउ बस्ने बर्ष १९ का सुपन राउत गम्भीर घाइते भएका हुन् ।
घाइते ३ नै जनाको वीरगन्ज छपकैया स्थित नारायणी उपक्षेत्रीय अस्पतालमा उपचार भइरहेको पर्साका प्रहरी प्रवक्ता तथा प्रहरी नायव उपरीक्षक ओमप्रकाश खनालले बताए ।
