काठमाडौं,०८ माघ । अघिल्लो दिन हालसम्मकै उच्च मूल्यमा पुगेको सुनको भाउ बिहीबार घटेको छ। नेपाल सुनचाँदी व्यवसायी महासंघका अनुसार सुनको मूल्य प्रतितोला २ हजार ९ सय रुपैयाँले घट्दै २ लाख ९२ हजार २ सय रुपैयाँमा झरेको हो।
यसअघि बुधबार सुन प्रतितोला २ लाख ९५ हजार १ सय रुपैयाँमा कारोबार हुँदै ऐतिहासिक उच्च विन्दुमा पुगेको थियो।
अन्तर्राष्ट्रिय बजारमा सुनको मूल्य केही घटेकाले त्यसको प्रभाव नेपाली बजारमा परेको महासंघले जनाएको छ। हाल अन्तर्राष्ट्रिय बजारमा सुनको मूल्य प्रतिऔंस करिब ४ हजार ८ सय अमेरिकी डलर रहेको छ।
यसैगरी, चाँदीको मूल्यमा पनि गिरावट आएको छ। अघिल्लो दिनको तुलनामा चाँदी प्रतितोला ५० रुपैयाँले घटेर ५ हजार ८७० रुपैयाँ कायम भएको छ। बुधबार चाँदी प्रतितोला ५ हजार ९२० रुपैयाँमा कारोबार भएको थियो, जुन हालसम्मकै उच्च मूल्य हो।
