काठमाडौं,२२ चैत । राष्ट्रियसभा उपाध्यक्ष पदका लागि नेकपा (एमाले) सांसद लीलाकुमारी भण्डारीले उमेदवारी दिएकी छन् ।
रिक्त रहेको उपाध्यक्ष पदमा आइतबार उनले उम्मेदवारी दर्ता गराएकी हुन् । राष्ट्रियसभामा दलहरूबीच उपाध्यक्ष पद एमालेलाई दिने र संसदीय समितिका सभापति पद अन्य दलले बाँड्ने सहमति भएको थियो । सोही सहमतिअनुसार भण्डारीको उमेदवारी परेको हो ।
उमेदवारी मनोनयनका लागि संसद सचिवालयले दिउँसो २:३० देखि ३:३० बजेसम्मको समय निर्धारण गरेको थियो ।
