काठमाडौं,०१ माघ । लगातार उकालो लाग्दै उच्च मूल्यमा पुगेको सुन–चाँदीको भाउ बिहीबार घटेको छ। अघिल्लो दिन हालसम्मकै महँगो दर कायम भएको थियो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ७६ हजार ५ सय रुपैयाँ तोकिएको छ, जुन अघिल्लो दिनको तुलनामा १ हजार ५ सय रुपैयाँ कम हो। बुधबार प्रतितोला २ लाख ७८ हजार रुपैयाँमा कारोबार भएको थियो।
यस्तै चाँदीको मूल्य पनि घटेको छ। अघिल्लो दिन प्रतितोला ५ हजार ६५५ रुपैयाँको उच्च मूल्य रेकर्ड बनाएको चाँदी बिहीबार १७० रुपैयाँले घट्दै ५ हजार ४८५ रुपैयाँमा झरेको महासंघले जनाएको छ।
