काठमाडौं,०१ पुष । अघिल्लो दिन हालसम्मकै उच्च मूल्य रेकर्ड बनाएको सुनको भाउ मंगलबार घटेको छ।
नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य प्रतितोला १ हजार ७ सय रुपैयाँले घटेको हो। यससँगै मंगलबारका लागि सुनको मूल्य प्रतितोला २ लाख ५९ हजार रुपैयाँ तोकिएको छ। अघिल्लो दिन सुन प्रतितोला २ लाख ६० हजार ७ सय रुपैयाँमा कारोबार भएको थियो।
यसैबीच चाँदीको मूल्य भने बढेको छ। महासंघका अनुसार अघिल्लो दिन प्रतितोला ३ हजार ८७० रुपैयाँ रहेको चाँदी आज १५ रुपैयाँ बढेर प्रतितोला ३ हजार ८८५ रुपैयाँ कायम भएको छ।
अन्तर्राष्ट्रिय बजारको उतारचढाव र स्थानीय माग–आपूर्तिको प्रभावले सुनचाँदीको मूल्यमा दैनिक परिवर्तन देखिँदै आएको व्यवसायीहरू बताउँछन्।
