बीरगंज १६ फागुन
लोपउन्मुख जातिको रुपमा सुचिकृत तराईमा बसोवास गर्ने धागड जातिको
धर्म, संस्कृति र परम्परालाई संरक्षण गर्न वीरगंजमा धागड समुदायिको
संस्कृति प्रबर्द्धन अभियान शुरु भएको छ ।
हाम्रो संस्कृति हाम्रो अभियान, धागड समुदायको संस्कृति प्रबर्द्धनमा युवाको
अभियान कार्यक्रम अन्तरगत आज वीरगंज महानगरपालिका वडा नम्बर ३१
सोलखपुरमा धागड समुदायको भेषभुषा, संस्कृति र परम्पराको झाँकी,
नृत्य प्रस्तुत गरिएको थियो ।
वीरगंज महानगरपालिका, एसियन फर पिस रिसर्च एण्ड डेभलम्पमेन्ट,
शान्ति मेलमिलाप केन्द्रद्वारा संयुक्त रुपमा आयोजित कार्यक्रमको
पर्साका सहायक प्रमुख जिल्ला अधिकारी भिमकान्त पौडेलले उद्घाटन गर्दै
लोपउन्मुख जातिको धर्म, संस्कृतिलाई संरक्षण गर्दै विश्व माझ
आफ्नो मौलिक प्रस्तुति देखाउन सके पर्यटनलाई आकर्षित गर्दै आय
आर्जन समेत गर्न सकिने कुरामा जोड दिनुझयो ।
कार्यक्रममा वत्ताहरुले लोपउन्मुख धागड समुदायको संस्कृति,
परम्फराको संरक्षण गर्दै नेतृत्व तथा क्षमता विकासका लागि आर्थिक, सामाजिक र
राजनैतिक सशक्तिकरणको आवश्यकता रहेको कुरामा जोड दिएका थिए ।
कार्यत्रममा विशिष्ट अतिथिको रुपमा रहनु भएका रेडियो नेपालका पर्सा
सम्वाददाता ध्रुव अधिकारीले लोपउन्मुख जनजातिको रुपमा रहेका धागड
समुदायको भेषभुषा, रितिरिवाज, धर्म संस्कृतिको प्रचार प्रसारमा
संचारकर्मीहरुको भूमिका समेत महत्वपूर्ण रहेको बताउनु भयो ।
अल्पसंख्यक पिछडिएको जनजातिको रुपमा रहेको धागड समुदायको वीरगंज
महानगरपालिका वडा नम्बर ३१ र ३२ मा बसोवास रहेको छ ।
शान्ति मेलमिलाप श्रोत केन्द्र पर्साका अध्यक्ष रमाकान्त चौधरीको
सभापतित्वमा सम्पन्न कार्यक्रममा स्थानिय बुद्धिजीवी, संचारकर्मी,
जनप्रतिनिधिहरुको सहभागिता रहेको थियो ।
