34.6 C
Birgunj
Homeसमाचारस्थानियदार्चुलामा 'मौसमी तथ्याँक लिने भारतीय बेलुन खस्यो, शंकास्पद वस्तु भन्दै अतिरञ्जित बनाउन...

दार्चुलामा ‘मौसमी तथ्याँक लिने भारतीय बेलुन खस्यो, शंकास्पद वस्तु भन्दै अतिरञ्जित बनाउन खोजियो’

- Advertisement -spot_img

काठमाडौं। दार्चुला जिल्लामा मौसमी र वायुमण्डलको तथ्यांक लिने भारतीयको बेलुन खसेको छ । भारतको उत्तराखण्ड प्रदेशको राजधानी देहरादुनस्थित भारतीय मौसम विज्ञान विभागको उक्त मौसमी बेलुन दार्चुलामा खसेको हो ।

दार्चुलाको नौगाड गाउँपालिकामा बिहीबार रातिको समयमा उक्त बेलुन खसेको हो । नेपालमा काठमाडौंमा र अन्य केही ठाउँमा जसरी मौसमी एवं वायुमण्डलको तथ्यांक लिनका विभिन्न मुलुकहरुमा सामान्य किसिमका मापक यन्त्र जडित बेलुन उडाउने गर्छन् ।

भारतका उत्तराखण्डसँग सीमा जोडिएका दार्चुला र बैतडी जिल्लामा सीमावारपार यस किसिमका सामान्य घटनाहरु घटिरहने स्थानीयहरु बताउँछन् ।

नौगाडका एक स्थानीयले मौसम सम्बन्धी तथ्यांक लिने भारतीय बेलुन खसेको बताए । देख्ने बित्तिकै थाहा पाउन सकिने भए पनि शंकास्पदवस्तु भन्दै अतिरञ्जित बनाउन खोजेको उनको भनाइ छ ।

दार्चुलाको सदरमुकाम र भारतको धार्चुलको सीमा महाकालीमाथि एक पुल छ । जहाँ दुवैतर्फका स्थानीयहरु तरकारी किन्नसमेत एकअर्काेतर्फ गइरहन्छन् ।

महाकाली नदीमैसमेत एकातर्फबाट बगेको सामान अर्कातर्फ फेला पर्ने गर्छ । यस्तोमा मौसमीय विवरण लिनकालागि केही उचाईमा उडाइने बेलुन कुनै बेला हावाकै वेग र दिशामा गडबडी हुँदा फरक ठाउँमा अवतरण हुने गर्छ ।

नजिक सीमाना भएका कारण भारततर्फबाट उडाइएको बेलुन नेपालतर्फ आएर खसेको स्थानीयहरुको भनाइ छ । उसो त कतैं टाँढा पुगेमा सम्पर्क होस् भन्ने जानेरै उक्त बेलुनमा विभागको फोन नम्बर समेत लेखिएको र सोहीबाट भारतीय बेलुन रहेको पुष्टि भएको बताइएको छ । नेपाल पाना

Stay Connected
16,985FansLike
2,458FollowersFollow
61,453SubscribersSubscribe
Must Read
सम्बन्धित खबर

LEAVE A REPLY

Please enter your comment!
Please enter your name here